لو كُنت صاحب شركة، أو أي عمل تُجاري هتحتاج تعمله لوجو، يبقى لازم تحدد الأول إنت عايز إيه بالظبط وعلشان نسهل عليك الموضوع، حلول  هتوضحلك الـ 5 أنواع المُختلفة للشعارات اللي تقدر تختار من خلالها.

لوجو أيقوني أو رمزي :  

النوع هذا بيكون عُبارة عن رمز أو أيقونة بسيطة مُعبرة عن البيزنس من غير كتابة أي حروف أو أي نص يعبر عن إسم الشركة. طبعاً هذا  يُعتبر من أصعب أنواع اللوجوهات لأنك مش هتقدر بسهولة تخلي العُملاء بتوعك يحفظوه غير في حالة واحدة بس وهي حملة إعلامية كبيرة تعرف الناس باللوجو مع إسم الشركة وبالتالي هيحفظوه مع الوقت.

مثل  : ابل - مرسيدس - لانسر

لوجو نصي:

هذا  عُبارة عن نص بيحمل إسم الشركة  وبيكون مكتوب بخط مُميز وجذاب وفي أوقات كتير بيكون مكتوب بخط خاص بيه علشان يكون سهل تمييزه.

مثل : فيس بوك، كانون، فيديكس.

لوجو حرفي:

الإختلاف بينه وبين اللوجو النصي هو إنه بيتم فيه إستخدام أول حرفين من إسم الشركة وعادة بيُستخدم للشركات اللي بيكون إسمها طويل وصعب النُطق.

مثل : آي بي إم، إتش بي أو، سي إن إن.

لوجو مزيج من الرمز والنص:

هذا  أكتر نوع مُستخدم في اللوجوهات وهو بيكون الأيقونة أو الرمز المُستخدم في اللوجو مع إسم الشركة أو أول حرفين منها وبيكون سهل فصلهم عن بعض حسب الإستخدام.

مثل : أدوبي، أديداس، بيتزا هت.

لوجو نص داخل رمز:

بيختلف عن النوع اللي قبله في إن النص بيكون داخل الرمز نفسه وبالتالي مينفعش فصلهم عن بعض..

مثل : ستاربكس، برجر كنج، فولكس فاجن.